Donemat e bed kanaouennoù Breizh skignet gant doareoù embann poblek (follennoù distag, pennadoù kazetenn, levrigoù, follennoù liestennet...). Tamm pe damm eo se ar pezh a gaver e Bro C’hall dindan an anv a lennegezh merser, levraoueg c’hlas, krak-kazetennoù...

E-kichen kanaouennoù an hengoun dre gomz ez eus bet savet meur a son, e galleg hag e brezhoneg, graet a-ratozh da gentañ evit bezañ skignet war follennoù moullet marc’had mat, digoust a-wechoù zoken. An daou roll-sonioù o vezañ levezonet an eil egile, alies, rak kalz eus ar pezhioù moullet-se, graet evit bezañ kanet hag eñvorennet aes, a zo aet d’o zro en hengoun dre gomz.
Ar roll-sonioù-mañ a zegas ur skeudenn liesfurm eus ar gevredigezh hag he frederioù. Reiñ a ra ar gaoz koulz d’an dud dizesk ha d’ar re zesket, koulz d’an dud vunut ha d’an « dud uhel ». Temoù a-leizh ennañ : eus an darvoudoù bihan liesseurt d’an darvoudoù meur, eus ar veuleudi d’ar flemmgan, eus ar vuhez pemdez d’an abostolerezh a bep giz...

Savet gant tud a youl vat, hep skoaziad, digoust, al lec’hienn-mañ a glask da gentañ aesaat enklaskoù an implijerien.
Ma vez graet un adimplij publik eus ar roll-sonioù-mañ, trugarez da venegiñ al lec’hienn « kan.bzh », al levraouegoù pe an dastumadegoù eo tennet an dielloù anezhe ha gwelit gante peseurt gwirioù a c’hallfe bezañ ma vez graet un implij kenwerzhel anezho.

Deuit e darempred ganeomp hardi evit kement enklask all ho pefe d’ober, m’ho peus evezhiadennoù, ma welit fazioù, pe ma soñj deoc’h e anavezit mammennoù all n’int ket meneget amañ.

Gweladenn vat deoc’h !

Al lec’hienn e sifroù

Evit krouiñ al lec’hienn, renkañ ha dielfennañ ar follennoù distag, 32 000 nivereladenn a zo ber graet e levraouegoù disheñvel e Breizh.
Gant ar studiadenn-mañ ez eus renablet 4835 follenn distag. E-touez ar re-se, 908 o deus meur a embannadur, betek 28 evit darn. Gallout a raer sellet enlinenn ouzh 3190 follenn distag e PDF.
Er follennoù distag-se e kaver 7045 kanaouenn, evit 5761 kanaouenn-skouer disheñvel.
Ar c’hanaouennoù e galleg a zo 15% eus an hollad. Diverradennoù 3543 kanaouenn a c’haller lenn. Ar c’hanaouennoù a zo bet savet gant 767 oberer.
Renket int dre 235 tem. Gallout a rit selaou stumm niverel 222 skrid-sonerezh, dindan ar stumm MP3.