Petra zo nevez ?

Nevezenti : bommoù da selaou

Gant dastumad pladennoù 78 tro Kristian Morvan e c’haller bremañ kinnig selaou 113 kanaouenn war moullskridoù poblek, a glot gant 79 kan-skouer.
A bep seurt stumm zo dezhe : kan a-capella, kan gant muzik da heul, laz-kañañ. Diskouez a reont mat ar pezh a veze graet etre 1932 ha 1955, pell a-walc’h alies eus ar pezh a gustumer klevet en deiz a hiziv.
Gwelet ar bommoù da selaou

Levrlennadurezh

Klokaet eo bet al levrlennadurezh, a oa skort a-walc’h. Da skouer eo bet ouzhpennet ar pennadoù bet embannet etre 1981 ha 2020 e Musique Bretonne, kelaouenn Dastum. Krouet ez eus bet liammoù etre al levrlennadurezh-se hag ar c’hanaouennoù, an oberourien hag an embannerien Follennoù Distag.
Gwelet al levrlennadurezh

Traoù ouzhpennet

Dielfennet eo bet 224 Follenn Distag dastumad Gwennole ar Menn, lakaet en hor c’herz gant Brieg ar Menn.
Diwar al labour-se hon eus gallet kavout 44 Follenn Distag nevez, war temoù relijiel dreist-holl, lakaat un embannadur ouzhpenn da 15 Follenn Distag a oa renablet dija, anavezout 58 kan nevez, 7 oberour nevez (P.M. France, vikel-vras ; H. Mauny ; William Jenkyn Jones, Barzig Koatnizan ; Prigent, person Lanvilin ; Philippe, person Sant-Jili-Plijo (1791) ; F.M., n’ouzer ket piv eo c’hoazh) hag un embanner nevez, (Tanguy-Burel e Konk-Kernev).

Restroù Pdf zo bet lakaet ouzhpenn :
- 108 Pdf eus dastumad Gwennole ar Menn
- 7 Pdf eus dastumad Julien Cornic
- 127 Pdf evit Follennoù Distag a glot gant kanaouennoù a gaver dija en Hengoun dre gomz.

Kenglot etre Follennoù Distag hag Hengoun dre Gomz

Derc’hel a raer da glask peseurt kanaouennoù bet dastumet en Hengoun dre Gomz a vez kavet ivez war moullskridoù poblek : 74 kan nevez a zo bet renablet. Evit ar 188 kan a zo renablet bremañ eo bet unvanet an titloù hag an diverradurioù e div lodenn al lec’hienn (Follennoù Distag hag Hengoun dre Gomz).

Bet lakaet ouzhpenn en dataeg :
Ar stumm nevez-mañ a ginnig 388 Pdf. nevez, 20 diverradur kanoù graet gant Marie-Françoise Lestic, ha 141 item nevez.

Pinvidikaet eo bet hon dataeg a-drugarez da Vrieg AR MENN en deus pourvezet dastumadenn follennoù distag Gwennole AR MENN ha renabl (roll resis) an 226 Follenn distag a zo enni, bet savet gantañ e 2009.
Studiadenn an hanter eus an dastumadenn he deus lakaet war-wel :

• 16 follenn distag nevez (relijiel o zem peurvuiañ),
• 27 kan na oant ket anavezet c’hoazh,
• tri oberour nevez (P.M. France, vikel-vras ; H. Mauny ; William Jenkyn Jones),
• hag anv un embanner nevez (Tanguy-Burel e Konkerne).

Evit 6 follenn distag a gaved dija en dataeg ez eus bet kavet un embannadur all.
Ouzhpenn d’an itemoù-se ez eus bet ouzhpennet 114 Pdf.

Diwar studiadenn Gérard BAILLOUD « L’imprimerie Lédan à Morlaix (1805 à 1880) » embannet gant Skol en 1999 ha tezenn Hervé PEAUDECERF « Alexandre-Louis-Marie Ledan (1777-1855) - Un imprimeur breton au XIXè siècle (1805-1855) », kinniget e 2002, eo bet kresket ivez niver an itemoù en hon dataeg (gant follennoù embannet peurvuiañ gant Lédan).

146 follenn distag a zo bet lakaet ouzhpenn, o tont eus lec’hienn ar British Library (skannet dre Google). Evel-se ez eus bet gallet kavout degouezhioù evit un toullad Follennoù distag na oa ket moaien da gaout Pdfoù evite : 59 er British Library (Evit 36 anezhe n’eus ket bet gallet kavout an embannadur. An 23 all zo bet lakaet dezhe ar meneg [notennet embannadur 99]), 238 er BnF (Bibliothèque nationale de France) ha 35 er Mirdi Dobrée.

Lakaet eo bet ouzhpenn ivez 128 Pdf follennoù distag a denn da ganaouennoù a gaver en hengoun dre gomz.

Gwellaat al lec’hienn :
Ar c’heleier nevez embannet war Facebook a gemer o flas war pajenn porched al lechienn.

Bet lakaet ouzhpenn en dataeg :

• Ouzhpennet ez eus bet 193 fichenn Pdf follennoù distag a zo enne kanaouennoù a vez kavet en hengoun dre gomz. Ar Pdfoù-se a zo bet savet diwar pajennoù skannet gant Patrick MALRIEU e levraouegoù zo : Levraoueg Roazhon Meurgêr, Levraoueg-kêr Kemper, CRBC (Centre de Recherche Bretonne et Celtique) hag e Levraoueg-kêr Montroulez.
• 64 diverradur graet gant Marie-Françoise LESTIC a zo bet lakaet ouzhpenn.

Evit gwellaat al lec’hienn :

• Kanouennoù zo, bet dastumet en hengoun dre gomz, a zo bet embannet ivez war follennoù distag (da skouer : Ar filouter fin / Le fin filou (M-00179 ha C-00530)). An deiz a hiziv ez eus bet krouet liammoù evit 69 c’han, met reoù all a zo c’hoazh hag a vo meneget el lec’hienn tamm ha tamm.
  Evit ar c’hanaouennoù kavet dindan an daou stumm eo bet kemeret ar memes titloù hag ar memes diverradurioù.
  E fin ar ganaouenn e vez kavet neuze ul liamm evit tremen eus al lec’hienn Follennoù distag d’al lec’hienn Hengoun dre gomz.
• Kazi echu eo bremañ troidigezh al lec’hienn Follennoù distag e brezhoneg gant labour Pascal LINTANF.
• Aezetaet eo ar c’hevreañ evit an izili (pop-up) ha gwellaet un tammig ar graferezh

• 30 Pdf o tont eus Levraoueg-kêr Brest zo bet lakaet ouzhpenn, gant skoazell Doriane HELLIO.
• Echu eo bremañ troidigezh al lec’hienn e saozneg.

• Lakaet ouzhpenn 103 diverradur.
• Lakaet ouzhpenn 61 skrid-sonerezh da selaou e MP3. 241 skrid-sonerezh da selaou a zo bremañ.
• Liammoù etre ar c’hanaouennoù.
• Troet al lec’hienn e saozneg (90%) hag e brezhoneg (60%).

Er stumm 5 e kaver 114 moullskrid ouzhpenn a c’haller gwelet e stumm PDF, o tont eus levraoueg Landevenneg (holl fichennoù PDF Landevenneg a c’haller gwelet bremañ), hag 44 skrid-sonerezh da selaou.
Bremañ e c’haller klask kanaouennoù dre ul lec’h meneget en destenn.

Er stumm 4 e kaver 157 moullskrid a c’haller gwelet e stumm PDF, o tont eus levraoueg Landevenneg, hag 61 skrid-sonerezh da selaou.
Ouzhpenn da se eo daveet bremañ ar studiadennoù diwar-benn ar c’hanaouennoù, darn anezhe a c’hall bezañ gwelet war-eeun e PDF zoken.
El listennadoù kanaouennoù ez eus ikonoù ( ha ) a ziskouez diouzhtu hag-eñ ez eus ur studiadenn pe ur skrid-sonerezh da selaou stag ouzh ar c’han-mañ-kan.

Er stumm 3 e kaver 107 moullskrid da welet e PDF, da lavaret eo 2663 fajennn, ha 86 skrid-sonerezh, sonet gant ur sintetizer, da selaou e MP3.
Ur c’hlask donaet lieskriter a zo bet ouzhpennet d’ar c’hlaskoù :
- Dre ar c’han : yezh ar c’han, testenn gwerzaouet pe e komzoù plaen, skrid-sonerezh, stumm MP3 da selaou
- Dre follenn : PDF da welet
Gwellaet eo bet graferezh al lec’hienn ivez.

Er stumm 2 e kaver 839 diverradur nevez ha 606 moullskrid da welet e PDF o tont eus levraoueg Landevenneg hag eus Levraoueg eskopti Kemper ha Leon.
Arc’hweladurioù nevez a zo bet lakaet ouzhpenn ivez el lec’hienn :
- An implijerien gevreet a c’hall saveteiñ oberourien, embannerien, kanaouennoù, tonioù ha moullskridoù
- Er fichennoù oberourien e c’haller dibab ar yezh
- Liesyezhek eo ar bajenn Degemer

Se eo stumm kentañ al lec’hienn-mañ digor d’ar publik.
4658 Follenn Distag a zo renablet e-barzh, 3165 anezhe a c’hall bezañ gwelet.
Er follennoù distag-se ez eus 6627 kan, ar pezh a ra 5626 5626 kan disheñvel. Gallout a raer gwelet diverradur 2580 kan.